Hvalveiðibann árið 1915

Fróðlegt væri að lesa um hvernig það kom til að Alþingi samþykkti hvalveiðibannið árið 1915.  Það var víst greinilega orðið minna um hval við Ísland - vegna rányrkju.  Var það orð notað þá ?
  Norðmenn starfræktu 8 hvalstöðvar á Vestfjörðum 1895 - 7 (segir í Íslandssögu a-ö eftir Einar Laxness). Fyrsta hvalstöð þeirra reis 1883 við Ísafjarðardjúp. Svo fluttu þeir sig til Austfjarða þar sem hvalstöðvarnar urðu 5.  Ein sú stærsta í heimi reis 1901 á Asknesi í Mjóafirði.  Forstjórinn hét Ellefsen.  Þar komu 333 hvalir á land 1904 og 351 árið eftir en 170 árið 1910 stendur í árbók Ferðafélagsins 2005 eftir Hjörleif Guttormsson.   Hvalveiðar voru stundaðar hér aftur frá Tálknafirði 1935-40 og svo frá Hvalfirði frá árinu 1948.
Spánverjar (Baskar) voru hér við hvalveiðar í upphafi 17. aldar.

Hugsa eins og hvalir

Athugasemdir

[Sigurgestur Guðlaugsson, 11.6.2009 kl. 12:15]

Eftir því sem ég las einhverntíman fyrir löngu síðan, voru Íslendingar alltaf á móti hvalveiðum.  Það er í raun ekki fyrr en eftir stríð sem íslensk hvalveiðiútgerð hefst.  Fram eftir öldum var það hins vegar þannig að útlendingar veiddu hval við ísland, aðallega minni dýr og trúðu íslenskir sjómenn því að lætin sem fylgdu veiðunum spilltu fiskveðum þeirra sjálfra.