OR kaupir rafmagn af LV

Það gleymist í umræðunni að OR kaupir rafmagn í miklum mæli af Landsvirkjun, á þrisvar sinnum hærra verði en stóriðjan fær það á, og selur áfram í smásölu til borgarbúa.  Landsvirkjun hefur haft miklu meiri tekjur af sölu til almenningsveitna þótt 70 % af rafmagnsframleiðslunni fari til stóriðju.  OR selur sitt framleidda rafmagn væntanlega ekki á mikið hærra verði til stóriðju en Landsvirkjun.

OR með mörg járn í eldinum og meiri eftirspurn en framboð

Athugasemdir

[Tryggvi L. Skjaldarson, 11.11.2007 kl. 11:03]

Það gleymist gjarnan að án stóriðju er ekki grundvöllur fyrir stórum virkjanaframkvæmdum.  Það gleymist líka oft að rafmagn er ekki hægt að geyma á lager eins og olíur og bensín og að stóriðjan notar rafmagnið jafnt allan sólarhringinn.  Tekur við því 220.000 volt (Straumsvík) beint og milliliðalaust.  Að bera saman verð á kílóvattsstund til stóriðju og annarra notenda er ekki raunhæft.

[Pétur Þorleifsson , 11.11.2007 kl. 11:34]

OR rukkar alveg nóg fyrir að dreifa rafmagninu til borgarbúa eftir kúnstarinnar reglum en munur á tímum á hámarksafli til stóriðju og almenningsveitna er þó ekki meiri en þetta.